इङ्ल्यान्डको लक्ष्य असफल

मेलबर्न – कप्तान स्टिभ स्मिथले शतक प्रहार गरेपछि अस्ट्रेलियाले शनिबार चोथो टेस्ट बराबरी गर्दा एसेज शृंखलामा पहिलो जित हात पार्ने इङ्ल्यान्डको लक्ष्य असफल भएको छ  ।
पाँचौं तथा अन्तिम दिन अस्ट्रेलियाले २६३–४ मा दोस्रो इनिङ समाप्तिको घोषणा गरेसँगै टेस्ट बराबरीमा सकिएको थियो ।
स्मिथले अविजित १ सय २ रन जोड्दा डेभिड वार्नरले ८६ रन जोडे ।२ सय ७५ बल खेलेका वार्नरले ६ चौका प्रहार गर्दा २ सय २७ बलको सामना गरेका वार्नरले ८ चौका प्रहार गरे ।
त्यस्तै सन मार्सले अविजित २९ रन जोडे । १ सय ६६ बल खेलेका मार्सले ३ चौका प्रहार गरे । इङल्यान्डका स्टुवार्ट ब्रोड, जेम्स एन्डरसन, कप्तान जो रुट र क्रिस ओक्सले समान १/१ विकेट लिए । यसअघि अस्ट्रेलियाले पहिलो इनिङमा ३ सय ३७ रन जोड्दा इङ्ल्यान्डले ओपनर एलेस्टर कुकको कीर्तिमानी दोहोरो शतकमा पहिलो इनिङमा ४ सय ९१ रन जोडेको थियो ।
सुरुआती तीन टेस्ट जित्दै अस्ट्रेलियाले एसेज शृंखला ३–० ले आफ्नो पक्षमा पारिसकेको छ ।
पाँचौ तथा अन्तिम टेस्ट ४ जनवरीबाट सिड्नीमा हुनेछ ।

Comment with Facebook

Share This News !

Ads




shares