हिन्दूराष्ट्र पुन: स्थापनाका लागि निर्णायक संघर्ष:कमल थापा

पोखरा, साउन २७ गते ।
राष्ट्रिय प्रजातन्त्र पार्टीका अध्यक्ष कमल थापाले हिन्दूराष्ट्र पुन:स्थापनाका लागि निर्णायक संघर्ष सञ्चालन गर्ने बताएका छन् ।शनिबार पोखरामा आयोजित पत्रकार सम्मेलनमा थापाले देशलाई हिन्दूराष्ट्र बनाउनुपर्ने मागसहित हिन्दूराष्ट्र पुन:स्थापना राष्ट्रिय जागरण कार्यक्रम सुरु भएको जानकारी दिए ।

सातै प्रदेश, ७७ जिल्ला र ७५३ स्थानीय तहमा पुगेर हिन्दूराष्ट्रको आवश्यकताका विषयमा जनतालाई जागरुक गराइने उनको भनाइ थियो । ७ फागुनमा हिन्दूराष्ट्र पुन:स्थापनाका लागि निर्णायक संघर्ष सञ्चालन गर्ने उनले बताए ।

थापाले पत्रकार सम्मेलनमा वर्तमान सरकारले जनताको अपेक्षाअनुसार काम गर्न नसकेको आरोप लगाए । तर, पनि प्रमुख प्रतिपक्ष दलले सरकारविरुद्ध संसद् र सडक तताउने समय भइनसकेको उनको भनाइ थियो । देशमा सर्वसत्तावाद हावी हुँदै गएको, भ्रष्टाचार बढेसँगै सुशासन कायम हुन नसकेको, विदेशी हस्तक्षेप बढेको, राष्ट्रियता खस्कँदै गएको उनले आरोप लगाए । दुईतिहाइको सरकार भए पनि जनमतअनुसार वर्तमान सरकारले काम गर्न नसकेको उनको भनाइ थियो ।

Comment with Facebook

Share This News !

Ads




shares