नारायणकाजीलाई गोरखा २ मा सुरुवाती अग्रता

२१ मंसिर, गोरखा । प्रतिनिधिसभा र प्रदेशसभा निर्वाचनमा सबैभन्दा धेरै चासोको रुपमा रहेको एक गोरखा क्षेत्र नम्बर २ को प्रारम्भिक मत परिणाम सार्वजनिक भएको छ ।
साँझ ८ बजे सार्वजनिक गरिएको पहिलो मत अपडेट अनुसार नेकपा माओवादी केन्द्रका नेता नारायणकाजी श्रेष्ठले अग्रता कायम गरेका छन् ।
अहिलेसम्म ३१३ मत गणना हुँदा श्रेष्ठले १६५ मत ल्याएका छन् । उनका प्रतिस्पर्धी नयाँ शक्ति नेपालका अध्यक्ष डाक्टर बाबुराम भट्टराईले १३२ मत ल्याएका छन् ।
मंसिर १० गते सम्पन्न भएको प्रतिनिधिसभा र प्रदेशसभा निर्वाचनको मतगणना आज साँझ ५ बजेबाट सुरु भएको थियो ।
यता गोरखा क्षेत्र नम्बर १ मा पनि नेकपा माओवादी केन्द्रका उम्मेदवार हरि अधिकारीले अग्रता लिएका छन् । ८०३ मत गन्दा उनले ३५१ मत पाएका छन् भने उनका प्रतिस्पर्धी नेपाली कांग्रेसका चीनकाजी श्रेष्ठले ३३० मत पाएका छन् ।

Comment with Facebook

Share This News !

shares