ट्याक्सीभित्रै मृत फेला परेका व्यक्तिको पहिचान खुल्यो

Murdered Body Found in Taxiभक्तपुरको मनोहरा खोला नजिक ट्याक्सीभित्र मृत फेला परेका व्यक्तिको पहिचान खुलेको छ ।
मृतक व्यक्ति सर्लाही घुर्कयौली घर भइ हाल ललितपुरको कुुसुन्ती बस्ने ४९ वर्षीय यज्ञबहादुर खड्का रहेको भक्तपुर प्रहरी प्रवक्ता कृष्ण प्रसाईंले जानकारी दिए । प्रहरीका अनुसार उनी आफै ट्याक्सी चालक हुन् ।

दिब्यश्वरी प्लानिङको खाली जग्गामा बुधबार बिहान बा १ ज १०४० नम्बरको रोकिराखेको ट्याक्सीको पछाडिको सिटमा रातो ज्याकेट लगाएको व्यक्ति मृत अवस्थामा देखेपछि स्थानीयबासीले प्रहरीलाई खबर गरेका थिए ।

टाउकोमा ढुंगाले हानेको घाउ भएकाले कसैले हत्या गरेको हुनसक्ने अनुमान गरिएको छ । भक्तपुर प्रहरी प्रवक्ता प्रसाईंले बिभिन्न कोणबाट घटनाको अनुसन्धान भइरहेको जानकारी दिए ।

२०७४ कार्तिक २२ गते १२:२३ मा Onlinekhabar.com मा प्रकाशित

 

Comment with Facebook

Share This News !

shares